Shillong, Feb19: Khasi aro Garo ku·sikrangko Constitution of Indiani 8th Scheduleo ta·raken napatchina gita a·dok sorkati pil·nipil kam ka·enga ine Chief Minister Conrad K Sangma Sombar salo Assemblyo aganaha.
Chief Ministerni aganani gitade, ia kamko chu·sokatchina gita Ma·mong Sorkarina seata chitti king 8mang ong·aha. Eight Scheduleo napatna gita, napatgnigipa ku·siko maikoba dingtangmancha chu·sokatna nanggnide gri ine Ma·mong Sorkarini sechakatgipa chittio janapa ineba ua agandapaha.
MDA-1 sorkari, 2018 bilsini December jaon Khasi aro Garo ku·sikrangko napatna kam ka·na gita niamko tik ka·e donaha, indiba iani bidingo Ministry of Home Affairs maini gimin kam ka·kujaenga ukosa name talja ine Chief Minister aganaha.
MHAni kam ka·kujaengani a·selara Khasi aro Garo ku·sikrangko apsan somoion watatani giminma ine Congress MLA Charles Marngar-ni sing·on, 8th Scheduleo napatna gita MHAni see dongimin ming 38 ku·sikrangni gisepo Khasi aro Garo ku·sikrang una skangan dongsoaha ine Chief Minister aganchakaha.
Na·simang ia video-kobanina man·gen:
Na·simang iakoba poraie nina man·gen: Congress dolni MDC sakgni baksana gitcham MDC saksa NPP-o napa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
