Shillong, Apr 29: Khasi aro Garo ku•sikrangkoba Bhashini App-o ra•gatna gita Mongolbar salo, Meghalaya sorkari, India sorkarini Electronics & Information Technology Ministry-ni ning•o donggipa Digital India Bhashini Division baksa Memorandum of Understanding (MoU)-o soi ka•grikangaha aro ia soi ka•grikanio, Meghalaya a•dokni Chief Minister Conrad K Sangma, Art & Culture Minister Paul Lyngdoh baksana Khasi Literature Society aro A•chik Literature Society-ni membor-rangba dongpaaha.
Ia Bhashini App-ni ning•o da•o dipet India-ni ming 22 ku•sikrangko ra•gatmanaha aro ia App-o da•o Khasi aro Garo ku•sikrangkoba ra•gatengahani gimin Meghalaya a•dokba dolsa a•dokrangko seoke an•tangtangni ku•sikrangko a•songni pilak biaprangon digital-chi man•na amgnok.
Ia soi ka•grikanio a•dokni Chief Minister Conrad K Sangma, an•tangni kusi ong•aniko parakangengon, Artificial Intelligence-ni bilchi da•alo an•chingni agananikosan ong•aigija an•chingni miksonganirangkoba pe•na man•gnok aro ian mandeni chanchisokgijagipa gadangona technology-ni sokaniko mesokani ong•enga ine aganaha.
Ian songal aro sorkarini kamrango pilakni gitan nangchakeaniko ra•bagnok ine janapatengon, ia ku•sikrangko internet-o pe•na dakchakanichi, songo noko agangrikani cholrang, tourism, bading chiwalani, lekka pora aro an•seng baljokani kamrangoba dakchakani ong•gnok ine Chief Minister aganaha.
Dingtang dingtang kamrangna, mongsongbate kamrangko nakatatani aro bading chiwalani kamrango ia technology-ko jakkalchina gitaba Chief Minister, a•dokni manderangko didiangaha.
Iani bidingo dingtangmancha a•dokni Chief Secretary DP Wahlang-ni dilanichi State Language Mission for Bhashini-koba songe donangaha aro ia Mission-ni kamara Garo aro Khasi ku•sikni oikorrangko ra•ani baksana internet-o man•gipa ia ku•sik minggniko namdapatanian ong•gen.
Iandakgipa technology ba kolrangara dingtang dingtang neng•nikanirangko chel•chakna dakchakani ong•genchimoba jattangni ku•aganani aro dakbewal rikbewalrangni chong•mot ortoko rakkichina aro an•tangtangni ong•baaniko maming dakeba gualjachina Chief Minister didiangskaaha.
Meghalaya a•doko songdongenggipa Tribal jatrang aro Myanmar, Cambodia gita dakgipa jolrango songdongenggipa jatrangni gisepo nangrimaniko ning•tubate am•sandina da•o chanchiengkua ineba Chief Minister parakataha.
Na·simang ia video-koba nina man·gen:
Na·simang iakoba poraina man·gen: Union Tribal Affairs Minister, Jual Oram, Tura-o welfare scheme-ni kamrangko nirokea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
