Tura, Aug 30: Khasi Hills a·jani ning·o donggipa A·chik songrangni mande gopram biaprangko re·anggipa August 1 tariko Assam police-ni nosto ka·e galani bidingo All Khasi Hills A·chik Federation (AKHAF) dol, mija Mongolbar salo Assam-ni Border minister Pa Atul Borah-ko grongangenba, ia ong·anga obostako nirokate nanga gita ja·kurangko de·atchina memorandum-ko on·angaha.

Assam a·dokni Border minister-ko grongani bidingo AKHAF dolni General secretary, Manuel Marak, koborna talatangengon, batanggimin August 1 tariko Assam police-ni ong·gija dake a·dok damgnini sima-ari chapchapo donggipa A·chik songrangni gopramrangko nosto ka·e galaniko gong·raken nirokatna gita Assam sorkari uamangna ka·dongataniko on·ataha aro uno jak donggipa department-ni kosako ja·kurangko de·atna gitaba uamangna ku·rachakataha ine u·iatan baksa, ua somoio Assam police-ni kragijagipa kamrangchi saniba bagan-bari dakgiparangba nosto ong·ahani gimin Assam sorkari, ua nokdangrangna gampilskana gitaba ku·rachakataha ine Marak agandapataha.

Iakoba poraie nina man·gen: GK Iangrai-ni kamni bidingo disciplinary proceeding-ko a·bachengchina M’laya High Court, sorkariko didianga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub