Shillong, June 19: KHADC-ko da·alona kingking UDP-ni Pa Titosstarwell Chyne-ni dilbaanichi rikdilenggipa Executive Committee-ni be·gruahani ja·man, Khasi Hills Democratic Front (KHDF)-ni bimingo NPP aro INC dolgni bakrime gital Executive Committee (EC)chi rikdilangskagen ine NPP-ni MDC Pa Pyniaid Sing Syiem, Sombaro u·iatangaha.

Ia gital songangipa KHDF-o donggipa NPP dolni sak 12 MDC aro Congress dolni sak 6 MDC-rangchi KHADC-ko rikangskana gita tariaha.

Session matchotani ja·mano, Chief Executive Member (CEM) post-na susagipa dongjahani gimin CEM-na Pa Pyniaid S Syiem, uni nomination lekkako on·angaha, uandake, Mawlai-ni MDC Pa Teibor Pathaw, council-o Secretary-ni kamko jako ra·e ka·angskagnok.

KHADC-o gital Executive Committee-ko songaniara, Sombar salo council-ni skanggipa tom·anio NPP-ni MDC Pa Bajop Pyngrope-ni No-Confidence Motion-ko ra·anggipana sak 30 memborrangoni sak 17 MDC -rang chakpaaniko on·ahani ja·man, KHADC-ni CEM Pa Titoss Chyne-ni rikdilenggipa Executive Committee be·gruahachim ine nikatna gita man·gen.

Iakoba poraie nina man·gen: NPP baksa Congress bakrimjaode KHADC-o Guv Rule-ko ra·gatgen

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub