Shillong, Apr 9: Voice of the People’s Party (VPP)-ni dilgiparang, maming niksamsoanirang dongjani a•sel manderangko salna man•jae Khasi aro Jaintia Hills a•jarango mikbu-miknenggrikani politics-ko kal•na jotton ka•skaenga ine Mongolbar salo, National People’s Party (NPP) parakataha.
Sombar salo, Ri Bhoi a•jani Umsning, Eastern West Khasi Hills a•jani Mairang aro Shillong songjinmani Jaiaw aro Rynjah jolrango NPP-ni election-na campaign ka•engmiting somoio VPP-ni manderang, golmal ka•na jotton ka•ahani gimin VPP-ko NPP matnangataha.
“Chingni election-na campaign ka•engmiting somoirango golmal ka•na jotton ka•ahani gimin aro chingni candidate-ni kosako ku•wattogija kattarangko aganahani chinga VPP-ni kosako raken jegalenga,” ine Mongolbar salo, NPP-ni ku•wattimgipa Himalaya M Shangpliang parakataha.
NPP-ni election campaign ka•engmiting somoirango golmal ka•na jotton ka•ahani gimin VPP-ni kosako ja•kurangko de•china uamang Election Commission of India (ECI)-ko didienga ineba Shangpliang parakataha.
VPP-ni dilgiparang, manderangko salna man•jaengani giminsa NPP-ni tom•anirangko golmal ka•na aro so•sojengjeng ong•atna jotton ka•enga ineba ua aganaha.
Shangpliang-ni parakatani gitade, NPP-ni kosako matnanganirangko manderang bebera•tokjaengahani giminsa VPP-ni dilgiparang, NPP-ni kosako bil mesokna jotton ka•skaengachim.
Election-ni somoio so•sojengjeng ong•atna jotton ka•engani gimin VPP-ko dilenggipa manderangni kosako NPP, bilaken badi ka•doanggen ineba NPP-ni ku•wattimgipa parakataha.
Na·simang ia video-koba nina man·gen:
Na·simang iakoba poraina man·gen: Wadagokgre Archeological site-o niamni kosako kragija kamrangko ka•enganina Section 144-ko ra•gata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
