Shillong, May 31: Khasirangni daka rikanirangko talbate ma•sie ra•angna gita Budbar salo, Germany a•songoni re•bagipa Christian Democratic Union (CDU) Party-ni MP Floran Muller, Hima Mylliem-ni Syiem, Paiem Ainam Manik Syiem-ko grongeaha.

Ia tom•aniko ong•atanio, German MP, Khasirangni dilgiparang baksa agangrikenba, uamangni daka rikanirangko sing•sandie ra•angaha aro ia cholko man•ahani gimin ja•mano ua Khasi dilgiparangko mittelpilangaha.

Meghalaya a•doko Khasirangni dingtangmancha me•chikrangna gam-jinrangko on•rikani giminba ua aiao inmananiko parakangaha.