Shillong, Apr 18: East Jaintia Hills a•jao donggipa Khliehriat East-ni Pohchnong gittimo antignimang ong•na sipile bijoliko man•jaengani gimin Sombar salo, MPUF East Jaintia aro EJNC Khliehriat circle-ni dilgiparang, Mowakhu-o donggipa MeECL-ni official-rangko grongenba badi ka•doangaha.

Ia gittimo nosto ong•e dongenggipa transformer-ko taripile on•china aro gittimo songdongenggipa manderangni namgnina ta•raken bijoliko on•pilchina gitaba ia dolgnini dilgiparang, MeECL-ni official-rangko didiangaha.