Shillong, November 26: Khun Hynniewtrep National Awakening Movement (KHNAM)-ni Working President, Ban Thomas Passah, Mylliem Syiemship-ni ning•o ga•akgipa dingtang dingtang biaprango A•chikrangko niamgri songni nokmarang songani bidingo, Khasi Hills Autonomous District Council (KHADC)-ni Chief Executive Member (CEM), PN Syiem-ko grongeaha.
Passah-ni PN Syiem-na seatgipa chittio, A•chikrang bang•a dingtang dingtang biaprang jekai Maikholi, Pillangkatta A, Longkhuli, Mawiong, Gambalbari, Jyrmang, Jolsyiem, Rangsakona, Chibra, Nongspung A aro Nongspung C songrango an•tangtangko nokma ine dakjeenga inenba janape seatan baksana, ian Khasi Hills Autonomous District Council (Appointment and Succession of Syiem, Deputy Syiem, Electors, and Rangbah Shnong of Mylliem Syiemship) Act, 2007-ni ning•o dongimin niamko pe•aniba ong•a ineba ua janapataha.
2007 Act-ni Section 2 (0)-ni gitade, Khasi mandesa songni Rangbah Shnong ba songni nokma ong•na gita nangan baksana uamang niamni gita seokako man•gipa ong•na gita nanga inenba seatgipa chittio tale janapataha.
Uasan ong•aigija, ia dakjegipa nokmarang Meghalaya Transfer of Land (Regulation) Act , 1971-ni Section 3(1)-o dongimin niamko pe•enba, Khasi ong•gijagipa manderangna niamgri a•arangko palenga inenba Passah, gisiko suk ong•gijaniko parakatan baksana ian jolo songdongkamgipa manderangko chel•chakna tarigimin niamrangni kosako re•badeaniba ong•a ineba janapangkuaha.
Na·simang ia video-koba nina man·gen:
Na·simang iakoba poraina man·gen: TSF, Pushpabandi Palace-ko hotel tarina sorkari ni rai on•aniko raken jegalata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
