Shillong, March 21: Sorkarini kamrangna personal interview-ko ra·gija mande rim·aniko dakani bidingo da·o ong·enggipa Budget Session-o chanchirimchina gita Khun Hynniewtrep National Awakening Movement (KHNAM), Mongolbar salo a·dokni political party-rangko mol·molangaha.

A·songni gipin bakrango daka gita, sorkarini kamrangna mongsongbate group B, C aro D-ni ning·o ga·akgipa post-rangna mande rim·ani somoio cha·bokaniko bon·atna gita personal interview-ko ra·jachina KHNAM, iana skangba a·dok sorkarina lekka sedoangahachim ine dolni dakchakgipa padot Pa Thomas Passah parakataha.