Williamnagar, July 8: Grengchit ba Bokchit nikronggijagipa dolko gong lak 75-mang ong•pile breenga ine badiaba badiaba dolrang kobor on•ani ja•man social media-rango manderangni jijaanirangko nikna gita man•engaha.
Mitam manderangni aganani gitade, iandakgipa Grengchitrangara ding•gipa biaprango donggipa jo•ong ong•e namen dingtangmanchagipa ong•an baksana ia Grengchitrangara mandeko man•e cha•atna gitaba man•achim.
Adita salrangna skang am•sandianirangko Scientific Data journal-o chapa ka•ani gitade, iandakgipa Grengchitrangara sigimin ba soangenggipa bolrango pangchakgipa jo•ongrangsa ong•e, buring bolgrimrangko tange rakkianio namen mongsonggipa jo•ongrang ong•skaachim.
London-o donggipa Natural History Museum-ni parakskaani gitade, iandakgipa Grengchitrangni jreaniara gram 2-oni gram 6-mang ong•a aro bilsi 3-oni bilsi 7-mang janggi tanga. Ia Grengchitrangkoa samnaba jakkalna man•a aro ian iandakgipa jo•ongrangni gamchataniko mesokaniba ong•skaa.
Indiba ia Grengchitrangara indita dam rakbebegipa jo•ongrang ong•skaama? Dam rakbebea ong•ode sawarang aro maina ia jo•ongrangkoa breenga?
Iandakgipa Grengchitrangko gong lak 75-mang ong•pile breenga ine koborrangko man•soani ja•man Garo Hills-oba mitam manderang Grengchitrangko rim•e, ia Grengchitrangko bano palna man•gen ine social media-rango sing•sanditokenga.
Indake ong•engon, iandakgipa Grengchitrangko rim•e palna jotton ka•ahani gimin India a•songni badiaba badiaba biaprango baditaba sak manderangko rim•e pattoko donataha ine kobor on•anirangkoba knasona man•skaaha.
Tangka man•ani cholrangko nikon pangnan manderang nama namgijako nichenggija, jekoba dakna draronga indiba iandakgipa kamrangko ka•anichi an•ching basakoba an•tangtangan gimaanirangko ra•baronga. Uni gimin an•ching an•tangtangba janggi tange, gipinrangkoba tangna on•anian nambatgipa ong•a.
Na·simang ia video-koba nina man·gen:
Na·simang iakoba poraina man·gen: Antony War-ko Shillong Rotary Club of Orchid City-ni president-na seoka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
