Shillong, Aug 31: Budbar salo, Jaintia Hills Truck Owners Association (JHTOA)-ni tom•aniko East Jaintia Hills a•jani Tuber Takhniang-o ong•atangenba, dingtang dingtang koela a•damrango hisape dongimin Metric ton lak 32 koelarangko salna man•na gita challan-rangko on•piltaichina sorkariko didina tik ka•e donangaha.

JHTOA-ni president Biangshwa Shylla-ni parakatani gitade, truck nokgiparang bang•batan challan-rangchisa koela aro ma•manti bosturangko sale cha•na man•engani gimin koelarangko salna gita challan-rangko on•piltaichina sorkariko didina tik ka•angaha.

Indake ong•engon, ia tom•anio JHTOA-ni office-ko West Jaintia Hills a•jani Phramer-o rikna gitaba ia tom•anio tik ka•e donangaha ine Shylla parakataha.