Kohima, Mar 3: Robibar salo, Kohima aro uni samtangtango donggipa Meriema, Chakhabama, Seikhazou D. Khel Kohima Village, Medical College jol, D. Block, aro Lower Forest Colony-ni damgni biaprangko man•chape dam 7 biaprango balwarang ta•rakangani a•sel bilongbee wa•alrang kamaha.
Authority-rang bang•bata wa•alrangko kimitna man•genchim ong•oba, maini a•sel ia wa•al kamna a•bachengaha u•ina gita man•kujaenga aro da•o dipet darangkoba saknaa man•a ine kobor dongkujaenga.
Minggipin a•sel ong•anio, balwarang ta•rakangani a•sel, Nagaland Olympic Office (NOA)-ni sepango bol pangsa be•ani a•sel dondikate donenggipa bol 3 garirangko nosto ong•ataha.
Nagaland State Disaster Management Authority (NSDMA), rang•gitik balwa ta•rakbaanichi a•dok gimiko bang•bea nosto ong•atanirangko man•aha ine u•iataha.
Commissioner and Secretary, Lhouchalie Viya, balwa ta•rakangani a•sel Kohima, Kiphire aro Noklak a•jarang nangchakeako man•aha ine manderangna u•iataniko on•angaha. U•iatani gitade, Seyochung, Kiusam jol (Kiphire) aro Nokyan B Village (Noklak)-rango adita nok jamrang nosto ong•atako man•aha.
Na·simang ia video-koba nina man·gen:
Na·simang iakoba poraina man·gen: Online gita tangka cha•boke cha•gipa sakgittam manderangko Assam Police rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
