Shillong, Nov 23: A•gilsak gimikchin Meghalaya a•doko man•enggipa Lakadong holdi baksana jal•lik, e•ching aro uandakgipa bosturangko manderang bang•en am•tokengoba ian kario ge•e game man•gipa bosturangsan ong•aiani gimin bilsi gimik iandakgipa bosturangko gipin biaprangona watna man•tokjaenga.
Kario changsa game ge•e man•gipa bosturangsan ong•aigenchimoba a•doko game ge•e cha•giparang, an•tangtangni changa sapanirangchi iandakgipa bosturangko bilsi gimikna ripinge donna jotton ka•tokenga indiba iandakgipa bosturangko ripinge rakkina gita kolrang dongjani a•sel game ge•e cha•giparang, iandakgipa bosturangko ripinge rakkianio neng•nikanirangko chagrongna nangskaenga ine u•iataha.
Holdi, e•ching, jal•lik aro uandakgipa bosturangko a•doko game ge•e cha•giparang, ratchemchemenba, salo rame ran•ate ripinge rakkirongskaa aro iandake ran•gimin bosturangko uamang bilsi gimik pale sim•e cha•na cholrangko man•a.
Wan’s Entreprise-ni nokgipa Wanbor Nongspung-ni Hub News baksa golpogrikanio parakatani gitade, game ge•e cha•giparang bang•gija holdi ba e•chingrangkode rasemsemenba ran•ate donna man•a indiba bang•akode uamango donchakani kolrang dongkujaengani gimin ripinge rakkina man•kujaenga.
