Guwahati, Sep 02: Sonibar salni bako, kragija bewalo Bihu gitko tarie ringahanina, Assam-ni Dhubri a•jaoniko YouTube singer saksako Assam police-rang rim•aha.
Police-rangni aganani gitade, ia YouTuber aro singer Altaf Hussain-ko, uni ring•gipa Bihu gitni a•sel a•doko songdongkamenggipa jatrangni gisepo ding•chaoatahani rim•ahachim.
Altaf Hussain-ni ring•gipa gito segipa kattarangara, Bangladeshi-rangni jegalaniko dakani somoio Ethun Babu aro Mausumi-ni ring•gipa “desh ta tomar baaper naki” ingipa git baksa apsanachim.
Indake a•dokni Skotong Minister Himanta Biswa Sarma-ba, iandake uamangni jatni dakbewal rikbewalrangni kosako kragija dakaniko aro mikchepe ra•aniko, Assam a•dokni manderangde ra•chakna man•jawa ine aganaha.
Una agreba, Assamese jatrangni songsalo jarikenggipa niamrango ga•chate dongchina ine mol•molatan baksa, Assamese jatrangni songsalo ja•rikenggipa cholon bewal aro daka rikanirangko mande ra•na nanga ineba ua jinmako didiataha. Unbaksana, je mandean Assamese jatrangni dakbewal rikbewalrangni kosako ma•ekatna jotton ka•a, uamangko nie dongjawa ineba ua mikrakataniko on•ataha.
Na·simang ia video-koba nina man·gen:
Na·simang iakoba poraina man·gen: Bobil dolrangko am•sandichina Manipur sorkari police dolko ge•eta
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
