Shillong, Aug 03: Forest and Environment department-ni official-rang baksana KSU, Laban Circle adita sak police-rangko rimbite Bristibar salo, Lower Lawsohtun-ni ning·o donggipa Mahadev Khola-ona re·ange nirokeaniko dakangaha.

Mahadev Khola-ona damsan re·ange nirokeaniko dakataniara, Hindu bebera·giparangni olakiram nok ba temple-ko rikgipa biapni sambajolo a·palchini manderang nok-jamrangko rike niam gri songdongengani bidingo chatro dol, re·anggipa July 5 tariko Divisional Forest Offficer (DFO)-na lekka sedoangani gimin ong·achim.

Ia mamlani bidingo RTI ka·e sandianiko dakatanichi, Mahadev Khola-o mite nok Mandir-ko rikna gita skang 1923 bilsi jolo Forest department a·ako on·ahachim, aro ua on·gimin a·ao janapgimin nanganina agrede minggipin kamrangna jakkalna on·a donggijaniko KSU ma·sina gita man·aha. Uandake, East Khasi Hills a·jani DFO-na sedoangna skang, KSU-ni manderang ua biapona tanggitik re·ange nirokeaniko dakchengaha aro ua a·ana songgigrikgiminni kosako dakbadee manderangni skatang niam gri dongtokenganiko aro maming lekkarang gri gipin jatrangni dokanrangko dake cha·enganikosa chatro dol nikbaskaahachim.

Iakoba poraie nina man·gen: Garo Hills-o bilsi 12 ong•gipa me•chik bi•sako gitok rageke so•ota

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub