Shillong, July 30 : Mongolbar salo, Khasi Students Union (KSU) dol, MCS (prelims) porikkako seani mark-rangko jinmana parake mesoke on•china gita Meghalaya Public Service Commission (MPSC)-na konta 48-ko on•angan baksana kamna ra•ani somoio kakketgija dakani bidingo jakgitel ong•e sing•sandianiko dakchinaba u•iataniko dakangaha.
July jani 26 tariko, Commission-ni gita MCS (prelims) porikka seaniko Union aro jinmana parakataniko chu•ongnikjaenba ia dabianiko dakangaha.
“Union-ni gita chinga MCS(prelims) porikka seanio man•gipa mark-rangko mesoke on•a nanga aro jakgitel ong•e iani bidingo sing•sandianirangkoba dakatna nanga,” inenba KSU employment cell-ni Chairman Reuben Najiar-ni, MPSC-ni Chairman-na seatgipa chittio janapataha.
“Union-ni gita janapbagimin dabianiko konta 48-ni gisepon chu•sokatna gita nanggen aro chusokatna man•jagenchim ong•ode Union-ni gita ja•ku de•anirangko dakangna nanggen,” ine u•iatengon, “MPS-ni personal interview-na dongimin ratio gita ra•jani gimin talataniko on•na nanggen aro bebe gita iano kakketgija dakaniko rim•a man•ode, iani bidingo kakket bichalko on•china aro advertisement-o pangchake kragipa bang•a candidate-rangko interview-na okamchina gitaba dabianiko dakangaha. Iani gisepon, A.H & Veterinary Department-ni ning•o statistical officer-na donggipa ge•sa post-na sakgni candidate-kosa okamaniko jegalenba dos dongako rim•a man•ode ta•raken gipin candidate-ni result-rangko den•galchinaba, ua aganangkuaha.
Iani bidingo Union-ni seatgipa chittio, MPSC-na 2024 bilsini January 25 tariko answer key-rangko on•china dorgasto-ko on•manahachim aro ia apsankon 2024 bilsini February jani 6 tarikoba on•angkuaha.
MPSC-oara candidate-rangna answer key-rangko on•a gita dongimin niamrang dongama, donggenchim ong•ode answer key-rangko prelims porikkani result-ko parakatna skang maini gimin jinmana mesoke on•a man•ja aro indake ong•jagenchim ong•ode MPSC-ni gita maini gimin iandakgipa petition-rangko ra•chaka, inenba seatgipa chittio sing•anirang baksa janapataha.
“Answer key-rangko man•ani jamano ming 3 aganchakanirango gualani donga inenba u•ina gita man•aha jekon Commission-ni gitaba ra•chakaha.
“Answer key-rangko man•ani jamano ming 3 aganchakanirango gualani donga inenba u•ina gita man•aha jekon Commission-ni gitaba ra•chakaha.
Indake, bebe gita chong•mot aganchakanion gualani donggenchim ong•ode aro nipiltaianiko dakani jamano dingtangatanichi sak 62 candidate-rangko ra•daptaiani ong•ahachim, indake ong•engon a•bachengo seoka man•gipa candidate-rangni aganchakanioba gualani donggenchim ong•ode, uamangba mains porikkaona sokdona kragiparang ong•jawachim, indiba da•o dipet darangni bimingrangkoba ra•galaniko nikkuja, inenba chittio janapataha.
2023 bilsini July 18-o kamna u•iatani gitade, Mains Examination-na okama man•gipa candidate-rang donsogimin ba janapatgimin post-na bate chang 15 mangna batna man•jawachim. Indake ong•engon, kamna u•iatanio sak 35 post-rangko parakatani gitade sak 525-kosan ra•na nangao ga•akachim indiba, seoka man•gipa candidate-rang sak 642-ona sokdopilaha,” inenba KSU u•iataha.
Na·simang ia video-koba nina man·gen:
Na·simang iakoba poraina man·gen: M’laya a•dokni gital Governor Chandrashekhar Vijayashankar ku•mikcheta
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
