Shillong, Aug 30: Kudengrim-oni Kudengthymmai-ona rama tarina gita Mongolbar salo, Meghalaya a•dokni Home Minister Lahkmen Rymbui-ni jakchi pangchakaniko songe on•angaha.

Ia km 5.14 ong•gipa ramako tarina gita Meghalaya Eco-Tourism Infrastructure Development Project (METIDP)-ni ning•o New Development Bank gong kror 17.63 tangkarangko chamataha aro kamko a•dokni Public Works Department (PWD) jako ra•anggen.

Ia ramana pangchakaniko songe on•angani somoio a•dokni Home Minister, jinmana aganprakangengon, jolo namroro silroroanina ia ramako tarina gita an•tangtangni a•arangko on•gilahani gimin songni manderangko mittelpilangenba, ia ramako aro dolong damgniko tarianichi ia jolrango pilakni gitan namroro silroroaniko ra•bana dakchakgen ine parakangaha.