Itanagar, July 14 : Ong•telaigipa obostani a•sel nangchakeako man•gipa songni manderang salantio nangchongmotgipa bosturangko man•jani a•sel neng•nikaniko man•jana gita, Arunachal Pradesh-ni Kurung Kumey a•jani district administration nangan bosturangko sokatna jotton ka•enga.
Gisiko nangbegipa chadambe aro IAS officer Vishaka Yadav-ni dilenggipa administration, Border Roads Organisation (BRO) and PRI member-rangni dakchakanichi nangchakeako man•gipa songni manderangoni saksakoba watchanggija relief material-rangko sokatna jotton ka•enga.
Indo-China sima ari-o donggipa Arunachal Pradesh-ni Kurung Kumey a•jani bang•a biaprango mikkarang bang•bee waanganichi a•a rua ba a•a be•angani a•sel a•jao janggi tangani bewalrangko apsan ong•atpilna gita neng•nikaniko man•engachim.
Sarli-ni Circle Officer John Diru-ni dilanio, Indo-China sima ari-o donggipa a•jani Polosong circle-o donggipa dam 2,400 songrangona cha•a ringani bosturang baksana samrang aro gipin nangani bosturangkoba sokatangaha.
Bang•en nosto ong•atako man•gipa Koloriang-Polosang BRO-ni km 45 onggipa ramako re•ange songni manderangona sokangna gita administration-ni dolrangna namen rakbegipa kam ong•achim. Battanggimin salrango, jimbee mikkarang waangani a•sel chi ban re•anio ia biapni dollong ge•gni aro ge•bri chi jokangna tarigipa concrete culvert-rangkoba bon•pile chi man•pakangaha.
Indake ong•genchimoba, ia dolrang uamangni re•angna miksonganiko dontongjaha. Batesa, ia neng•begipa ramako re•anganio a•jani Circle Officer John Diru aro Superintendent of Police Bomken Bassar maangko uamangni janggilo bang•bea merongrangko chile re•aniko nikenba didianiko man•aha.
Ia dolrang neng•begipa aro kenbegnigipa ramako battangenba salgnini gisepo biapona sokangon, songni manderang katchaan gape “Bharat mata ki jai” ine slogan-ko minge chriksoaha.
Na·simang ia video-koba nina man·gen:
Na·simang iakoba poraina man·gen: Drugs badinggipa sak 3-ko South West Garo Hills a•jao rim•a, ge 11,000 Meth tablet-rangko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
