Shillong, Mar 23: Sonibar walo, Mawryngkneng sokna skang, Kynroh Maram samba jolo, gari saldapa man·e bilsi 60 ong·gipa mande saksa janggitangko gimaatna nangaha.
East Khasi Hills a·jani Superintendent of Police (SP) Vivek Syiem-ni u·iatani gitade, Benjamin Rynthathiang minggipa mandeni salenggipa ML-10D 0678 truck gari bolsa, Jaintia Hills-oni Shillong-ona re·baengachim indiba rama gonggegipao ia truck gari, ramani ong·gija bak gita re·ange, truck gari bolsako chagakeaha. Ia a·sel ong·ani ja·man, chagaka man·gipa truck gari ia biapona kataha indiba ia ML-10D 0678 truck gari rama jangchio jachange dongna nangaha.
Indakmiting somoio Lower Mawprem-oni bilsi 60 ong·gipa Deilangshirup Law, gari nosto ong·ako nina garioni ong·onaha aro uni a·ao tugrange gari ning·chi nosto ong·ako niengmiting somoio, BR-05D 1938 bolgipin truck gari re·baskaenba, uko saldapeaha. Ia truck gariko, West Jaintia Hills a·jao donggipa Musiaw-oni Jewanmi Talang minggipa mande salskaahachim.
Gari saldapako man·gipa mande, ua biapon saknaanirangko man·e janggi galaha aro ja·mano uni manggisiko jolo donggipa Community Health Centre (CHC)-ona ra·angaha.
Na·simang ia video-koba nina man·gen:
Na·simang iakoba poraina man·gen: Indo-French Football tournament-o bak ra·na re·angenggipa dolna program-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
