Ladakh, June 29 : Junior Commissioned Officer (JCO)-ko man•chape sak 5 Indian Army sipairang, sukrobar walo sipai kotokrangni ranta ka•aniko dakmiting somoio Ladakh-ni Salgro jolo janggitangko gimaataha.
Koborrangko man•soani gitade, Saser Brangsa sambao donggipa Shyok chibimao rang•san chi dal•baenba T-72 tank-ko man•pakangani a•sel ia obosta ong•aha, indake iano sianggipa sak 5 sipairangni manggisirangkoba man•pilaha. Ia Shyok chibimara, Indus chibimaoni Ladakh-ni Salgro jol gita jokbagipa ong•achim.
“2024 bilsini June 28 tarik-ni walo, military training matchotenba re•bapilmiting somoio uamangni army tank rang•san chi dal•baani a•sel Shyok chibimao jachange dongna nangahachim. Indake naljokatgipa dolrang uamangni jachange donggipa biapona re•anggenchim ong•oba chi ta•rakan baksana chi dal•barikrikani a•sel naljokatna gita man•jaenba tank-o donggipa sipairang janggitangko gimaatna nangaha,” inenba Indian Army-ni Fire and Fury sipai dolrang, ia ong•a obostako kakket ong•a ine X(Twitter)-o see parakataha.
Ia sianggipa sipairang, 52 Armoured Regiment-oni ong•achim jean Daulat Beg Oldi (DBO)-ona watatako man•giparang ong•achim. Ia DBO, India-ni Salgro jolo, Aksai Chin-o donggipa Line of Actual Control (LAC)-ni km 10 mangni chelao donggipa sipairangni ma•chakram biap ong•achim.
Union Minister Rajnath Singh-ba ia ong•a obostani bidingo, “India a•songni ka•donggipa Army sipairangko ia rasonggrigipa obosta ong•anio gimaatna nangahani gimin anga namen ka•a be•a, aro uamangni a•songna dangdike on•aniko chinga pangnaba gualjawa,” inenba an•tangni kalimpaaniko X(Twitter)-o see parakataha.
Sianggipa JCO aro sipairangni bimungrangko da•o dipet parakatkuja.
Na·simang ia video-koba nina man·gen:
Na·simang iakoba poraina man·gen: Virtual Private Network-ni bidingo adita chanchirimaniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
