Guwahati, July 9: Assam, Indian Army-ni sipai saksani manggisiko tin•kagimin suri ga•akonani ja 9 jaman man•pilaha, jean mija bilsini October jao gimaahachim.
Assam-ni Lakhimpur a•jao donggipa Gogomukh songni Gautam Rajbongshi, jean Leh minggipa biapni High Altitude Warfare School (HAWS)-o skigipani kamko ka•gipa ong•achim.
Re•anggipa 2023 bilsini October 8 tariko, Ladakh-ni Mount Kun-o Indian Army mountaineer dolrang dakrongbewal gita ranta ka•aniko dakmiting somoio tin•kagimin suri ga•akonbaani a•selo Rajbongshi aro sakgnl sipairang gimaaha.
Ia ong•a obostao, sak 40 army sipairangba dongpaachim, jerangan high-altitude warfare aro biaprangko re•roroe nianina tarisamsoanirangko dakengachim. Indake tin•kagimin suri ga•akonanio saksa sipai sian baksana, Rajbongshi-ko man•chape sak 3 manderang gimaaha.
Uamangko a•bachengo sandianiko dakani somoio namen sin•gekmiting ong•an baksana feet 13,000 mangni gita chugipa aro ga•nanggijagipa biapni a•sel neng•nikanirangko man•engon, dondikpilgija am•sandianiko jagimik dakgenchim ong•omangba sipairangni manggisirangko man•jaha.
Iani gisepon, Indian Army dolrang ru•utgija salrangna skang am•sandie nianiko a•bachengtaiatenba gimaenggipa sak 3 sipairangni manggisirangko man•pilaha.
Rajbongshi-ni manggisiko man•aha ine uni nokdangni manderangna July jani 8 tariko kobor on•ataha. July jani 10 tarikode manggisiko uni songtangona sokatnaba donga ine ka•dongsoenga.
Na·simang ia video-koba nina man·gen:
Na·simang iakoba poraina man·gen: Meghalaya Police-ni sak 104 UBRC-rang training-ko pass ka•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
