Shillong, April 19: Robibar salrango, Shillong songjinmani Laitumkhrah Cathedral Parish gilja noko manderangni olakkiengmiting somoio, giljaona re·bagipa manderangni garirangko mande saksani cha·una jotton ka·aniko CCTV camera man·rikani ja·man, giljaona re·baenggipa manderangko simsakchina gita Cathedral Parish u·iataha.

Ia CCTV camera-o man·rikgipa video-ko mesokatani gitade, Robibar salo jinma olakkiengmiting somoio, manderangni gari donchakgipa biapo mande saksani gari cha·una jotton ka·aniko nikna man·ahachim.

Kobor on·timgiparangni u·iatani gitade, Robibar changantian, jinma olakkiani somoio ia biapo apsan mandeni re·rurae dongakoba nikna man·ahachim.

Iani bidingo manderangna mikrakataniko on·na gita aro an·tangtangni garirangna simsakbatchina gita dingtangmancha CCTV camera-o man·rikgipa video-ko internet gita manderangna mesokataha.

Indake ong·engon, ia ma·sina man·gijagipa mandeni kosako Parish-ni dilgiparang, Laitumkhrah police station-o FIR ka·aha aro police-rang, ia mandeko rim·na gita am·sandianirangko dakna a·bachengataha.

Giljani somoirango iandake chanchichipna kragipa kamrangko nikgenchimode u·iatchina gitaba Parish-ni dilgiparang, giljaona re·baenggipa manderangko didiataha.