Shillong, Mar 3: Deputy Chief Minister Prestone Tynsong, Laskein Civil Sub-Division-ko songchina proposalko on•ani bidingo sorkari name sandichenganiko dakanggen ine Sombar salo parakataha.
Laskein-o 1.25 lakh mangni gita Aadhar-o segatgimin bimungrang, te 15,000 nokdangrang aro a•jaba 500 sq km mangni gita gnang jean gitalgipa Sub-Division-ko man•a kragipa ong•a, indake ong•genchimoba batanggimin 2018 bilsioni sorkari apsandake aganchakaniko on•enga ine Mawkaiaw-ni UDP MLA Nujorki Sungoh Assembly-o matnangaha.
Ia matnanganirangna talatengon, gital Civil Sub-Division-ko songna gita department-rangko sorkari sandichengna nangani gimin sandianiko dakenga aro iani gisepon 2021 bilsioba, a•jao donggipa department ge•antinan gital Sub-Division-ko songna proposal on•ani bidingo seachi u•iataman•aha, indake ong•genchimoba uamangoni bang•gijasa aganchakaniko on•kuengani gimin chu•gimik aganchakaniko sengengkua. Indake, man•sogimin ia lekkarangko Chief Secretary-ni dilenggipa committee-na watatskaani ja•mansa sorkarini gita bon•kame gital Sub-Division-ko songna ra•chakanggen ine Tynsong aganchakaha.
Na·simang ia video-koba nina man·gen:
Na·simang iakoba poraina man·gen: Shillong Medical College-o class ra•aniko a•bachengatna National Medical Commission-ni rachakanina senga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
