Shillong, May 29: A·gilsak gimikon COVID-19 giproroengani a·sel manderang janggi tangani bewalrangko dingtangatna nangengahaon, chatro chatrirangba lockdown-ni somoirango an·tangtangni gamchatgipa somoirangko dingtang dingtang kamrangna jakkalskaengaha.
Ia sal somoirango skul aro college-rangko chipe dontokna nangengani a·sel chatro chatrirang, skul aro college-rangchi re·e an·tangtangni ripengkarang baksa kal·susaani, doka dam·ani, git ring·ani ba dakmesokanirangko dakna man·jaengoba chatro chatrirang da·o noktangtangon an·tangtangni gamchatgipa somoirangko nokni dingtang dingtang kamrangna jakkalskana man·engaha.
Bang·bata chatro chatrirangan ia somoirango lockdown-rangko ra·gatani a·sel an·tangtangni namnikgipa daka rikani kamrangko ka·tokna man·jaengoba mitam chatro chatrirangde, noktangtango song·a channani, bagan bari dakani, internet game, social media app aro uandakgipa kamrangna an·tangtangni changa sapanirangko jakkalskana man·enga ine kobor on·aha.
Chadambe saksani aganani gitade, ia sal somoirango lockdown-ko ra·gatani a·sel ua internet gitasa class-rangko ra·na nangengoba noktango ua da·o pul aro gipin sam-bolrangko ge·e uarangko nirok sandianio somoiko re·atna man·skaengaha aro ian una mingsa gitade namgni ong·skaenga.
Ia chadambe gitan gipin chadambe aro chatro chatrirangba da·o gita lockdown-ni somoirango an·tangtangni changa sapanirangko gipin kamrangna jakkalskana man·tokengaha.
