Guwahati, Dec 10: Lok Jagaran Manch, Bangladesh a•songo dongenggipa Hindu-rangni kosako ka•saninggija ka•enggipa kamrangni kosako jegale, Bangladesh Assistant High Commission mikkango Mongolbar salo jingjengatangaha.
Ia jingjengataniko dakangna skang uamang tom•bimonganiko dakchengaha aro uni ja•man Guwahati-o donggipa Bangladesh Assistant High Commission-ona re•jomaaniko dakangaha. Ia jingjengatanio bang•a ja•del bolchagimin manderang aro advocate-rang dongpae bak ra•angaha.
Assam-ni Loka Jagaran Mancha, Bangladesh a•songo dongenggipa Hindu-rangni kosako aro gipin toromko olakkigipa jatrangni kosako Islamic toromko olakkigipa jatrangni chadrapenganiko, so•otgalenganiko, sekdrae ra•enganiko aro me•chikrangko kragija so•otengani kosako jegalenganiko parakataha.
Indake, jemangan Bangladesh a•songo adita gipin toromko olakkigipa jatrang gnangchim, uamangba Bangladesh sorkarini aro Islamic olakkigipa jatrangoni maming sinjetaniko man•ani gri tom•tom jakgitele ua a•songo songdong a•chana bil donga ine jingjengatenggipa dolni member-rang janapataha.
Unbaksana, iandakgipa obostarang ong•engani gisepoba Bangladesh sorkari aro gipin dolrangni jrip nie dongenganinaba uamang matnangatan baksa, iani bidingo janape Assistant High Commissioner gita Bangladesh-ko chalaienggipa sorkarina memorandum-ko on•angaha.
Na·simang ia video-koba nina man·gen:
Na·simang iakoba poraina man·gen: Manipur-o AFSPA-ko ra•galpilchina dabie jinma re•joma
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
