23.2 C
Tura
spot_img

Lok Sabha election-ni ja·man Rahul Gandhi-ko CID sing·sandina okamatgen

Must read

Guwahati, Mar 6: Lok Sabha election matchotani ja·man Congress dolni dilgipa Rahul Gandhi-ko Assam-ni CID, sing·sandina okamatgen ine Assam-ni Chief Minister Himanta Biswa Sarma parakataha.

Iani bidingo kobor ra·timgipa manderang baksa Bongaigaon-o agangrikengon, Assam-o Congress dolni ‘Bharat Jodo Nyay Yatra’-ko ong·atengmiting somoio Congress dolna kamko ka·enggipa manderang police-rang baksa dinggrikahani gimin Congress dolni dilgipa Rahul Gandhi-ko Lok Sabha election-ni ja·man sing·sandina gita CID okamatgen ine Sarma aganaha.

Advertisement

Congress dolni dilgipa niamko jaktango ra·ahani gimin a·songni dongimin niamo pangchake Rahul Gandhi, Assam kacharini mikkango chadengna gita nanggen ineba ua aganaha.

Ia apsan case-ni bidingon sing·sandina gita Sombar salo Assam-ni police-rang, Congress MLA Jakir Hussain Sikdar baksana Congress dolni sakgipin dilgipakoba okamataha.

Advertisement

Ia a·selni bidingo Congress dolni dilgipa Rahul Gandhi baksana, KC Venugopal, Jitendra Singh, Jairam Ramesh, Srinivas BV, Kanhaiya Kumar, Gaurav Gogoi, Bhupen Kumar Borah, aro Debabrata Saikia gita dakgipa Congress dolni dilgiparangkoba FIR-o biming mingahachim.

Na·simang iakoba poraie nina man·gen: UNESCO aro Royal Enfield dol nangrime A·chikrangni daka rikanirangko a·gilsakna mesokatgen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article