Shillong, Feb 28 : A•dokni manderangko a•dokni BJP dolrang baksa nangrimatna kamko ka•engon, re•baenggipa Lok Sabha election-na Meghalaya a•dokni BJP dolrang uamangni manifesto ba miksongani ki•tapko tarina jinmani ku•pattianirangko am•sandia. Meghalaya BJP dolni State President Rikman G Momin budbar salo uamangni ong•atgipa “Viksit Bharat Modi ki Guarantee” tom•anio jinmani agan ku•pattianiko ra•na ong•atangaha.
Ia BJP dolni tom•aniko ong•atani aro jinmani agan ku•pattianiko ra•aniara re•baenggipa sal somoirango a•songko jatko teng•suatna aro tang•dobatatna dakchakgen ine bebera•ani ong•achim.
Tom•anio aganengon, BJP-ni State President Rikman G Momin, BJP dolni bebe ra•ani gita jakgitele dilgipako seokanira sakantini daito ong•a aro agenda ba tom•anio chanchirimani katta bichongko se•ani ba tik ka•aniara bil gnangipa dolnasan ong•na nangja.
Ia tom•aniko ba campaign ko ong•atanichi chinga a•songni manderangni ku•cholsan ong•aniko man•a ka•dongsoa ine ua aganangaha. Prime Minister Narendra Modi ni aganrongbewal katta chongmotan “Saabka saath, Saabka Vikas, Saabka Vishwas” ian nambatgipa aganmesokani kattarang ong•a. BJP dolni bebera•ani ba aganani gitade ian dingtang dingtang sorkarini niamrangko daksona ba chanchisona gita nambatgipa chol ong•gen aro sason ka•anio bakrimpagipa dolrangna kam ka•toaniko on•ani aro India a•songni manderangko jakgitel ong•e dilgipako seokaniona ra•angpiltaiani chol ong•gen.
Ia tom•aniko ong•atani bako pilak BJP office-rango suggestion box ba agan ku•pattianirangko segimin lekka ko chipna bakos ko don•anggen. Jemangan sorkariko rikna niam tariani bidingo ba jinmao tom•e chanchirimani bidingo agan ku•pattianirang donggenchim ong•ode see chipatna man•gen, jean mikkangchi a•songko jatko namroro silroroatna aro tang•dobatatna nangchongmotgipa ong•a.
Ia agan ku•pattianiko on•a gita pilak NGO-rang, Self Help Group-rang, dingtang dingtang bakrimgimin dolrang aro jinma naba okamaniko on•angaha. Aro jemangan agan ku•pattianiko office-ona re•ange on•a gita man•pajachim uamang antangtangni agan ku•pattianirangko NaMo app gita on•a man•gen.
Na·simang iakoba poraie nina man·gen:Section 144 Cr PC-o pangchake Tura aro uni wilwilao donggipa pilak chiring chibisik rangko rongtalgija rakkiani ba jabol galaniko champengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
