Williamnagar, Jun 12: Williamnagar-ni Loyola College-o skigiparang, sanction post-rangko ra•na man•jana gita college-ni principal an•tangan skigiparangni pal chittiko sedraenba, skigiparangko soi ka•draatna jotton ka•aha ine Garo Students Union (GSU) Eastern Zone matnangataha.
GSU-ni parakatani gitade, Loyola College-ko chalaienggiparang, sanction post-rangko dongnuna miksongenba, college-o skigiparang ia sanction post-rangko ra•na man•jana gita skigiparangni bimingo an•tangtangan chittiko seaha aro skigiparangko ia chittio soi ka•draatna jotton ka•ahachim.
“Iandakgipa kamara, Indian Constitution-ni Article 21 ning•o mande saprakna on•gimin bilko pe•ani gita ong•ahani gimin ia kamko chinga raken jegalenga. Dosko dakgipa college-ni principal, an•tangni dakgualgipa kamrangna kema bi•na nangchongmota aro ia principal-ni kosako college-ni chubata gadango donggipa official-rang, ja•kuko de•na nangchongmota,” ine GSU Eastern Zone-ni dilgiparang dabiangaha.
Loyala College-ba da•alo People’s College ine mingako man•gipa college ong•ahani gimin college-ni recruitment policy-ko jinmana paraktelna nangaon ga•akachim ine janapatengon, ia college da•alona kingkingan sanction post-rangko parakgija sriksriksa kamko ka•na jotton ka•enga ine GSU-EZ matnangataha.
Mikkangchiba iandake ong•gija kamrangko ka•angkugenchimode GSU-EZ, gipin NGO-rang, skigiparang aro jolo songdongenggipa manderang baksa rakgipa ja•kurangko de•anggen ineba GSU-ni dilgiparang mikrakataniko on•angaha.
Na·simang ia video-koba nina man·gen:
Na·simang iakoba poraina man·gen: W’nagar-o State Education Commission-ni tom•aniko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
