Williamnagar, Nov 14: India a·song gimikon a·songni skanggipa Prime Minister Pandit Jawaharlal Nehru-ni atchiani salko maniani bak gita Children’s Day ba Bi·sarangni Salko manitokengon, Williamnagar-ni Loyola School-oba ia salko maniani bak gita, adita salrangna skang Dalu aro Kerala-o chirang bananichi duko ga·akenggipa manderangna dakchakanirangko on·na gita tangka paisarangko on·giltokskaaha.
Ia salko manianio Loyola School-o poraienggipa bi·sarang dingtang dingtang program-rang, jekai kal·susaani, chrok mesaani, git ring·ani, cha·ani ringani aro uandakgipa program-rangkoba ong·atangaha aro ia program-rango skigiparangba bak ra·e pilakan kusi ong·tokbeaha.
Ia program-ko chu·sokgipa ong·atna man·ahani gimin an·tangni kusi ong·aniko parakatengon, duko ga·akenggipa manderangna dakchakaniko on·na gita tangka paisarangko on·gilan baksana ia salo bi·sarangni kusi ong·aniko nike ua an·tangba namen katchabeaha ine Loyola School-ni Principal Fr Victor Dmello aganaha.
Na·simang ia video-koba nina man·gen:
Na·simang iakoba poraina man·gen: Educere HS School-ni bilsi 30 gapaniko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
