Shillong, Feb 6: Mongolbar salo, Meghalaya a·dokni Chief Minister Conrad K Sangma, a·dokni Education Minister Rakkam A Sangma-ni dongpaanio, lower primary (LP) skulni sak 346 skigiparangna appointment letter-rangko, Shillong songjinmani State Convention Centre-o sualataha.

LP skulni skigiparangna appointment letter-rangko sualatanio a·dokni Chief Minister, jinmana aganprakatengon, ian LP skulni gital skigiparangna appointment letter-rangko sualna ong·atenggipa tom·anisan ong·aija indiba a·dok sorkarini niksamsoani aro nangnikanirangko jinmana mesoke on·na cholba ong·enga ine parakataha.

A·doko songdongenggipa pilak manderangan dingtang dingtang kamrangko ka·e cha·giparang ong·genchimoba pilakni miksonganian apsan ong·a aro uan a·dokko mikkangchi ra·doanganian ong·a ineba Sangma aganaha.

Skigipani kamara lekka porako on·mangmanganisan ong·aija indiba an·tangtangni simsak nirokanio bi·sarangni janggi tanganiko dingtangatanian ong·a ine janapatengon, namgipa gisikchi an·tangtangni kamrangko a·bachengchina gita Chief Minister, gital skigiparangko didiangaha.

Lekka porani gadangko tang·doatna gita a·dok sorkari, skul nokrangko rikna bang·en tangka paisarangko koros ka·aha indiba skigiparangsa a·gilsakni seng·aniko on·gipade ong·ani gimin a·dokna aro a·songna dingtanganiko ra·banagipade skigiparangsa ong·a ineba ua aganaha.

Ia tom·anio a·dokni Education Minister Rakkam A Sangma-ba aganprakengon, skigipani kaman mande ra·aniko man·batsranggipa kam ong·a ine an·tangtangni kamko on·kangani aro ka·oksiani gnang ka·china gital skigiparangko didiangaha.

Ia program-ko ong·atanio, dingtangmancha skul napna a·bachengenggipa bi·sarangna a·dokni Chief Minister aro gipin dilgiparangni jakchi, Teaching Learning Materials (TLM) Kit-rangkoba sualataha.

Iakoba poraie nina man·gen: West Bengal-ni dam bri biaprangko, Enforcement Directorate rang•gitik am•sandianiko daka

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub