New Delhi, June 12 : Modi-ni gital sorkariko rikpiltainio,Army Staff (CoAS)-ni Chief-na Lt General Upendra Dwivedi-ko seokangaha, jean General Manoj C Pande-ni pal, June jani 30 tarikoni dipet, Indian Army-ni chief ong•e kamko ka•anggen.
Lt General Upendra Dwivedi, PVSM, AVSM, 1964 bilsini July 1 tariko atchiaha, indake uko 1984 bilsini Dec 15 tariko, (Jammu & Kashmir) Indian Army-ni infantry-o napaha. Uni ru•utbea aro dingtang dingtang kamrangko ua dingtang dingtang gadangrango dongenba, a•songna ka•sae bilsi 40-na dangdike on•angaha, jeni giminan una Param Vishisht Seva Medal aro Ati Vishisht Seva Medal-rangkoba on•angaha.
Lt General Upendra Dwivedi-ni Command ka•bagiparangara, Command of Regiment (18 Jammu & Kashmir Rifles), Brigade (26 Sector Assam Rifles), Assam Rifles (East) DIG aro 9 Corps ong•achim.
Army Staff-ni Vice Chief-na seokako man•a skang, Lt General rank-ni kamko jako ra•on ua Director General Infantry aro General Officer Commanding in Chief (Headquarter Northern Command)-ni kamko bilsi 2022-2024-ona ka•angaha.
Lt General Upendra Dwivedi, Rewa-ni Sainik School aro National Defence College and US Army War College-o poraian baksana, Mhow-ni DSSC Wellington and Army War College-oba poraidapaniko dakangkuaha. Ua USA-ni Carlisle, USAWC-o NDC equivalent course ra•anioba mande ra•ako man•gipa ineba bimung on•ako man•aha. Iasan ong•aigija, ua M phil-o Defence & Management Studies aro Strategic Studies & Military Science-o minggni master degree-ko dakangha.
Na·simang ia video-koba nina man·gen:
Na·simang iakoba poraina man·gen: Sikkim-o gital sorkariko rikna ku•mitchetani salo opposition leader-rangni nokrangko rong•te goa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
