Dibrugarh, July 10: Ma•branggipa matburingrangna simsak nirokgipa chadambe, jean bilsigni skang a•gilsakko watangahachim, uni namgipa kamrangko gisik ra•na gita uni bikote donanggipa Animal Welfare People dol aro ia chadambeni nokdang, dingtangmancha uni siani salo Dibrugarh-ni ramarango aro university-o donggipa achakrangna gitoko kaani aro cha•anirangko sualangskaaha.
Dibrugarh-ni chadambe Vineet Bagaria, 2018 bilsionin ma•branggipa matburingrang aro mongsongbate achakrangko simsak nirokna a•bachengahachim aro COVID-19 sajinmani somoio lockdown-ko ong•atani a•sel pilak dokkanrangko chiptokahaoba ua ia matburingrangna cha•anirangko on•e simsak nirokahachim.
Uni iandake matburingrangna simsak nirokaniko nike gipin chadamberangba unbaksa kamo jak on•epaaha aro ja•mano Vineet an•tangan ‘Animal Welfare People’ dolko bikotaha.
Ia Animal Welfare People dolko bikote Vineet, an•tangni chadambeskarang baksa ma•branggipa matburingrangko simsak nirokna kamrangko ka•angkuaha.
Indake ong•genchimoba matburingrangna ka•sagipa Vineet Bagaria, bilsignina skang a•gilsakko watangaha aro uandaken uni siani gnigipa bilsio uni kamrangko aro uko gisik ra•pilna gita Animal Welfare People dol, Vineet-ni nokdang baksa ramarango donggipa achakrangna gitoko kaani aro cha•ani ringanirangko sualataha.
Ia kamo Vineet-ni ma•a paa, chong•motan Kailash aro Anita Bagaria-ba bakko ra•angaha aro uamang cholgri ong•gipa bi•sarangnaba ba•ra kancharangko suale on•angaha.
Na·simang ia video-koba nina man·gen:
Na·simang iakoba poraina man·gen: NPYF Goalpara-o Niksamseng Marak-ko so•otani bidingo sandichina Skotong Ministerko mol·mola
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
