Shillong, June 6: Dedrang sak 3-ni ma•gipa saksa, Nongpoh-Umdem-Sonapur rama sorokko tarie on•china dabienba Meghalaya Secretariat mikkango okimu chakaniko dake, Bristibar saloni jingjengatenga.

Ia ma•gipa, Ri-Bhoi a•jani ning•o ga•akgipa Umden songoni, ge•e game cha•enggipa Bindas Syiem ong•achim aro uni dabianiko sorkari chu•sokatna ku•rachakkujaenga dipet uni okimu chake jingjengataniko ua dondikjawa ine parakataha.

Election-ni somoio bang•an ia ramako tarie on•gen ine ku•rachakangaha aro uamangoni chegipa aro chegijagipaba pilakan tol•e ku•rachakgiparangsan ong•aia, ia namgijagipa ramani a•selo ua neng•nikaniko man•engani gimin nambata rama sorokna dabianiko dakna gita uo bil donga ine Syiem kobor ra•timgiparangna aganaha.

Unbaksana, PWD (Roads)-ni Executive Engineer aro Deputy Commissioner-na ia obostani bidingo chittikoba ua sedoatahachim, indake ong•genchimoba uamangni aganchakanina ua kusi ong•ja ine aganan baksa, PWD (Roads)-ni Deputy Chief Minister incharge-ko gronganiara uni kamba ong•ja ine ka•a be•a gnang Syiem aganaha.

Indake, nambata rama sorokrangko man•a dabianio, gipin manderangni dakchakaniko am•na uni gisiko miksonganiba dongja ineba ua janapataha.

Na·simang ia video-koba nina man·gen: 

Na·simang iakoba poraina man·gen: Sak 50,000-mangni gita voter-rangsan gipin dolrangna pu•onna ine Rakkam a•kanga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub