Guwahati, April 1: Guwahati City District Congress Committee, Mahafezkhana Heritage Building-ko pe·grugalahanina Assam sorkarini kosako jegalenba Guwahati-ni Panbazar-o donggipa Meghadoot Bhawan mikkango jingjengataniko dakangaha.
Ia 106 bilsi mang ong·gipa Mahafezkhana Building-ko, Guwahati Metropolitan Development Authority (GMDA)-ni gita Brahmaputra Riverfront Beautification Project-ko a·bachengatna miksonganio, songjinmao songdongenggipa manderang baksa maming chanchirimani grian pe·gruaha aro indake dakanina ua jolo donggipa manderangni gisepo ding·chaoaniko nakatataha.
Congress dolni a·gipbibatgipa saksa dilgipa ia jingjengatanio bak ra·engon, ia nokko pe·gruanina raken jegalataha aro iandake dakaniara ia nokko pe·gruasan ong·aijaha indiba uamangni ripinge rakkibaenggipa gamko gimaataniba ong·a ine sorkarini kosako matnangataha.
Indake unbaksana, Guwahati aro Assam-ni gipin bakrango gipinge rakkibaenggipa building-rangko naljokatchina aro chel·chaksoe ripinge rakkiangchina Skotong Minister-ko ua mol·molataha.
Ia Mahafezkhana building-ko 1855-1865 bilsini gisepo treasury office sepango rikaha aro ia nokon nangchongmotgipa lekkarang jekai, a·a patta, jamabandi aro namzari lekkarang rakkie donchakram nokba ong·a.
Bang·a manderangnan ia Mahafezkhana-ra nok building mang·mangsan ong·aija indiba, uamangni gisik ra·kamna ripingbagipa nok te·sa ong·achim jean, 1897 bilsio dal·begipa banggriani somoioba mangrake dongrikgipa nok ba ong·a.
Na·simang ia video-koba nina man·gen:
Na·simang iakoba poraina man·gen: PA Sangma sagiko matnangani gimin Manipur-ni gitcham CM-ko kema bi•china Marcuise dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
