Tura, July 18: Mahendraganj-ni MLA Sanjay Sangma, uni janapgimin land port-ko an•tangni constituency-o bimang pilatna am•engani gimin katchasoa, maina ian songjinma ba jillaoni chelao donggipa India-Bangladesh sima ari jolrango bading chiwalaniko ra•dona gita chol ong•gnok.
Tura jillaoni Km 90 mang chelao donggipa, South West Garo Hills a•jani Mahendraganj, Bangladesh-ni sima ari-o bak man•pagipa ong•a. Ia biapko u•ina gita survey ka•e nianiko re•anggipa June jaon matchotman•aha aro indake ia land port-ko rikna a•bachengatna gita a•dita dakna nanggni kamrangkoba dakengkua.
Bangladesh-ni gitade Mahendraganj-ni sima ari-o land port rikaniko matchotman•aha. Sanjay Sangma-ni dilanichi, ia jolo songdongkamgipa manderang ku•cholsan ong•e sorkarina a•ako man•e on•anina mitelpilskaaniko dakna gita land port rika matchotako kusi ong•e senge dongtokenga.
Mahendraganj-o songdong a•chaenggipa manderang, jerangkon bading chiwalanina mingsingako man•giparang ong•achim, land port-ko ra•baanichi songna nokna namgniko ra•bagen ine ka•dongsoenga. “Ia land port, India aro Bangladesh-ni gisepgriko bading chiwalaniko nambatatna dakchakan baksana ia jolo songdongkamgipa manderangni janggi tanganikoba ra•dona dakchakgen,” inenba Sangma, Hub news-na parakataha. “An•chingni sorkari pangnan apsan ku•mongpaaniko on•rongpagipa ong•a aro chingni ru•uta bilsirangna jumang nike dong•enggipako be•en pilatna dakchakanina chinga sorkariko mitelnaba namnika,” ineba ua agandapangkuaha.
“Chigni MLA Sanjay Sangma-na chinga chu•gimik chakpaaniko on•a, maina ia land port-ko ra•bana gita ua sorkari baksa bakrime jotton ka•angaha,” inenba bading chiwalgipa saksa Motiur Rahman, uni kusi ong•aniko parakataha.
“A•dokni reservation policy-ni a•sel chingni poraia matchotgimin chadamberang kamgri ong•e dongna nangtokenga. Indake ong•engon, ia land port uamangna bading chiwalaniko a•bachengatna aro pala simaniko dakna dokanrang kulie pangkamgipa tangka paisa kamaiani cholko on•gnok,” ine skigipani kamoni neng•takgimin Abdul Latif aganangaha.
Da•o dipet, Meghalaya a•doko ge•sa land port-san ong•kuaienga aro uan Shillong-oni 84 km mangni chelao dongipa Dawki-o ong•a, jean NH-206 aro Asian Highway-1 baksa nangdima.
Mahendraganj-ni MLA Sanjay Sangma, a•dokni Skotong Minister Conrad K Sangma baksa gronggrikenba, Mahendraganj-ni Zero point-ona taraken sorokrangko tarichina gita janapanikoba dakangaha.
Mahendraganj-na agreba, Meghalaya a•doko dam 3 land port-rang, chongmotan East Khasi Hills-ni Bholaganj-o, South West Khasi Hills-ni Bagli-o aro West Garo Hills-ni Dalu-o rikna gita a•bachengenga.
Na·simang ia video-koba nina man·gen:
Na·simang iakoba poraina man·gen: Dibrugarh Gymkhana Club manager-ni dingdee donggipa manggisiko man•a, so•ota ine nokdangni manderang chanchichipenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
