Shillong, April 4: Meghalaya Board of School Education (MBoSE) skanggipa changna, 2025 bilsio SSLC (Class 10) porikka seani result-rangko June jani palo April jani 5 tariko salni 11 bajio parakatgen.
2025 bilsioni, MBoSE-ni porikkako changgni ra·na gital niamrangko ra·gatahani gimin porikka seani result-rangko seng·gnang on·a tik ka·angaha. Skanggipa porikkako February-March jao ra·gen aro indake chatro chatrirangoni saoba porikka seanio namja ong·ode, uamangna porikka setaina gita cholko May jao on·anggen.
Education Minister Rakkam A Sangma-ni aganani gitade, ia niamko ra·gatanichi chatro chatrirangna porikkani result-rangko ta·rake man·an baksana skul aro college-rango somoi gita admission ra·na gitaba dakchakgen. Re·anggipa 2024 bilsini August jao, banggija subject-rango ba subject gimik fail ong·giparangna skanggipa porikka seani ja 1 ba ja 2-ni jamanon 2-gipa porikka seaniko dakatgen ineba ua parakataha.
Ian porikkao chu·sokgijagiparangna porikka setaina senganio somoirang galaniko champengatna aro porikka seanio chatro chatrirangna nambate dakna cholko on·a National Education Policy (NEP)-ko ra·gatani bak gita ong·a.
Uasan ong·aigija, 2026-2027 academic year-o State Cabinet-ni gita “Best of Five Papers” niamko ra·galaniko namnike ra·chakangaha, chong·motan da·ode chatro chatrirang porikka seanio subject 6-an gapna gita nanggnok.
Na·simang ia video-koba nina man·gen:
Na·simang iakoba poraina man·gen: Bilsi 50 batpile skul nokgri ong·gipa biapo skul nokrangko rikengaha: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
