Melaka, May 31: May 29 tarikoni June 2 tarikona Malaysia a•songni Melaka City-o ong•atenggipa Asia Pacific Baptist Federation (APBF)-ni Asia Pacific Baptist Youth (APBF) conference-o A•chik Baptist Dal•gipa Krima (ABDK)-oniba gimik sak 29 chadambe delegate-rang bak ra•enga.
Asia Pacific Baptist Federation (APBF)-ara Asia-Pacific-ni dam 22 a•songrango donggipa dam 40,000 mondolirang aro dam 65 convention-rang donggipa bimang ong•a aro Asia Pacific Baptist Youth (APBY)-ara chadamberangko Kristoona rimbana kam ka•gipa chadamberangni bipek ong•skaa.
Ia APBY-ni conference-ko bilsibongaprako changprak dake dingtang dingtang biaprang ong•atronga aro ia changode ia conference-ko Malaysia a•songni Melaka songjinmao ong•atskaenga.
Ia conference-ona A•chikrangoni bilsi 17 ong•gipa me•tra Euodia Eylown R Marak-koba git ring•na okamataha aro ia conference-o ua git minggniko ring•enga.
Ia conference-ko ong•atanio ABDK-oni re•anggipa A•chik chadamberangba jinma gitko ring•e mesokaha.
Ia APBY-ni conference-o dingtangmancha Futsal ba robol kal•susaanikoba ong•atangaha, jeon ABDK aro NBCC-ni chadamberang, bon•kamgipa (final) kal•anio kal•susaange ABDK-ni chadamberangan chegipa (Champion) ong•aha.
Na·simang ia video-koba nina man·gen:
Na·simang iakoba poraina man·gen: Salgro salaram jol gimiko BJP dam 20 seat-rangko chegen: MP Margherita
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
