Shillong, June 4: Opposition dol Voice of People Party (VPP), BJP-ni dilenggipa sorkari National Democratic Alliance (NDA) baksa ma INDIA Bloc baksa bakrime kam ka•rimani bidingo chanchirimaniko dakkujaenga aro iani bidingo, party-ni dilgiparang ong•e ka•sine chanchirimaniko dakanggen ine VPP-ni Padot Ardent Miller Basaiawmoit, Shillong Parliamentary Constituency-o uamangni cheani jamano kobor ra•timgiparangna parakataha.
A•doko tangka paisarangko cha•e kakketgijagipa kamrangko ka•engani bidingo janapengon, Meghalaya a•doko tangka cha•ani bang•a case-rang dongengani gisepoba, iani bidingo Enforcement Directorate (ED) aro Central Bureau of Investigation (CBI) dolrangoniko maini gimin am•sandianiko dakatjaenga ine Government of India-o sing•doaniko dakgen ine ua aganaha.
Una agreba, uamangni dakgrikania, kangal cha•asia aro mikkang niteani kosako ong•enga ineba ua agandapataha.
Indake, jerangko uamangni manifesto-o janapahachim, ua pilakkon man•a jotton ka•gen, mongsongbate, ILP, article 371 aro gipin neng•nikanirangko janapgiminrangko chu•sokatna party-ni gita jotton ka•gen ine Basaiawmoit ku•rachakangaha.
Na·simang ia video-koba nina man·gen:
Na·simang iakoba poraina man·gen: Saleng aro Dr. Ricky-na Conrad nama skaniko on•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
