Tura, July 13: Ma•mong Sorkarini Flood Control Project ning•o, Manipur, Mizoram aro Nagaland a•dokrangko man•chapatgenchimoba, Meghalaya a•dokkode man•chapatjaha ine Sukrobar salo, Tura Lok Sabha-ni MP Saleng A Sangma matnangataha.
Batanggimin adita salrangna skang Tura-ni MP, a•dokni a•kawe jolrango chong•motan, Rajabala aro Phulbari jolrangona re•ange chi ban re•anio nangchakea man•giparangko nirokeaha aro ia neng•nikanirangko New Delhi-o napatna man•jani gimin Conrad K Sangma-ni dilenggipa sorkariko matnangataha.
![](https://hubnetwork.in/wp-content/uploads/2024/06/Poster_page-0001-663x1024.jpg)
Sangma speed boat-o gadoe chi ban re•anichi mripata man•gipa songrang jekai, Chartbatipara, Haribanga, Maulakandi aro uandake gipin nangdimegipa jolrangona re•ange, song nokko dilgiparang baksa agangrikaniko dakangaha aro Meghalaya a•dokko Flood Control Project-o man•chapatjani gimin, chi ban re•anio Meghalaya a•dokni manderangde neng•nikaniko man•jaenga ingipa gita bilsiantian a•dokni proposal-ko ma•mongo on•jaha ine ua matnange aganangaha.
![](https://hubnetwork.in/wp-content/uploads/2024/07/WhatsApp-Image-2024-07-13-at-07.39.09-1024x887.jpeg)
Data-o chimonge rakkianirangko niatgenchimode, Manipur a•dok ming 12 flood project-rangko man•aha aro chi ban re•anio komie nangchakea man•gipa a•dokrang, Nagaland a•dok ming 11 aro Mizoram a•dok ming 2 project-rangko man•aha. Iani gisepon, bilongbee nangchakea man•gipa Meghalaya a•dokko man•chapatjani gimin Skotong Minister Conrad K Sangma-ni kosakoba, Tura-ni MP sing•doangaha.
![](https://hubnetwork.in/wp-content/uploads/2024/05/WhatsApp-Image-2024-05-06-at-1.24.51-PM-767x1024.jpeg)
A•dokni Skotong Minister-ba adita salrangna skang, relief camp-rango dongchakenggiparangna cha•a ringani aro gipin nangchongmotgipa bosturangko dakchake on•enganiko nirokeahachim aro chi ban re•anio nangchakea man•gipa manderangna dakchake on•ani kamrangko sorkarini official-rangna talate on•anikoba dakangaha.
A•dok sorkarini gita ia ong•enggipa obostarangni gimin, flood mitigation project-rang ba chi ban re•aniko komiatani project-rangko a•doko nangchongmotenganiko ma•mongna mesokna gita chu•gimikan report-ko tariaman•aha aro Skotong Minister Conrad K Sangma iarangni bidingo ma•mongni minister-rang baksa tom•e chanchirimanggen ine Skotong Minister-ni office-oni u•iataha.
Na·simang ia video-koba nina man·gen:
Na·simang iakoba poraina man·gen: Meghalaya Youth League 2024 Skotong Minister a•bachengate on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub