Guwahati, May 16: Assam a·doko mande mandeskako rim·sruke palbadinganirangko bang·en knana man·ronga. Bi·sarangko drae kam ka·atna gipin a·songchi rim·gittange palatanirang, me·chik aro me·tra bi·sarangko noti-dari dake be·entangko pale cha·na palanirang namen ramram gitasa ong·pilengaha. Skal pil·a, sam kal·aka pote kajia-golmal ong·anirang songadamrango ong·batenga. Me·chikrangko skal pil·a pote so·ote galanirangkoba bang·a songadamrangoniko knana man·rongenga. Iandake tol·e bebe ra·anirangko bon·atna aro mande palbadinganirangko champengna Assam sorkari gital niam ba policyko ra·gataha aro uko ‘Assam Policy for combating Human Trafficking and Ending Witch-Hunting’ ine mingaha.
Bang·a bilsirangna Assam a·doko sam kal·aka aro skal pil·a pote dos gri manderangko indin so·ote galanirangko nikna man·aha. Iano pangnan me·chikrang aro buchuma ong·giminrang dos galako man·ronga. Ia indake dos gri manderangko skatang pote so·ote galanirang aro songsalo mitchigrikanirangko bon·atna Department of Women and Child Development ni gita ra·gate kamrangko ka·anggen.
Na·simang ia video-koba nina man·gen:
Na·simang iakoba poraina man·gen: Assam sorkari mongsonggipa project-rangko parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
