Shillong, Aug 10: Meghalaya a·dokona niam gri napbagiparangko nirikkiatna gita sorkarini chalaenggipa institution-rangan gisiko nangchengjaode, Inner Line Permit (ILP)-ko a·doko ra·gatgenchimoba napdrabagiparangko champengsona man·jawa ine assembly-ni warachakgipa dolni Chief Whip aro Gambegre -ni MLA Pa Saleng A Sangma, Bristibar salo aganangaha.
Iani bidingo kobor ra·timgiparangna Bristibar salo aganangengon, Ri-Bhoi a·jani Byrnihat-o songgipa Entry and Exit Point-o asonge kamko ka·enggipa official-rangan a·dokona napbagiparangko nirikkiatna gita gisiko nangbrejaenga, maina attam 8 ataoni 9 bajiorangon songregiparangko maming nirikkiataniko anga an·tangde nika dongja ine Pa Sangma janapatan baksa, iamangni kamtango gisiko nangbrejaengani a·selsa a·dokona niam gri napdrabaanide ong·enga aro ILP gnangoba obostade apsanaigen ine MLA agandapataha.
“Department aro institution-o kam ka·enggiparang an·tangtangan gisiko nangchenggijara maidake an·chingni a·dokona napdrabagiparangko champengsona man·gen, ine Pa Sangma sing·doangan baksa, a·dokona napbagiparangko nirikkiatgipa sorkari official-rangko gisiko nange kamtangtangko ka·tokchina gitaba ua didianiko on·angjolaha.
Shillong songjinmani wilwilao niam gri ramasamrango bading-chiwalanirangko dakengani gimin aganangskaengon, jolni Dorbar-rangan iako nirokna gita nanggen aro baoni re·baa uani giminba sandirikkitatjringna nanggen, maina manderangan gisiko nangchengjaode niam gri napdrabaanide dongroroaigen ine MLA aganangkuaha.
Iakoba poraie nina man·gen: Monolith Festival-ko ia bilsio ong•attaina Conrad sorkari dakchakgen
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
