Nisangram, Nov 18: Manderangna ka•saani gimin aro lekka poraniko on•na rakbee kamko ka•anina ‘Lady Bird’ ba ‘Do•bima’ ine Nisangram jolrango mingsingako man•gipa me•chik Hephzibah M Sangma, November-ni 16 tariko, Nagaland a•dokni Dimapur songjinmao a•gilsakko watangaha.
1938 bilsini July 12 tariko Tura Mission Hospital-o atchigipa Hephzibah M Sangma, Ganeram A Momin sagi aro Henjini M Sangma sagini gnigipa demechik ong•achim aro ua Class 6-ona kingkingde Tura Mission School-on poraiaha.
Uni ja•man, America-ni Baptist Missionary Dr Downs-ni dakchakanichi ua Golaghat Mission School-o poraieaha aro 1957 bilsio matric-ko pass ka•aha.
Skul poraia matchotani ja•man Hephzibah, Guwahati-ni Satribari Mission Hospital-o nursing training-ko ra•eaha aro uni ja•man ia apsan hospital-on nurse ong•e dangdike on•angaha. Uni ja•man sianggipa Hephzibah sagi, Delhi-o training-ko ra•e Nursing Superintendent-ona ra•doatako man•aha aro ja•mano Nursing Teaching Staff-ni membor-ba ong•aha.
1981 bilsio uni ma•a paa siangani ja•man ua nokdangni gam-jinrangko nirokna gita Nisangram songona re•bapilaha aro Nisangram-ona re•bapile ua, skanggipa English medium skulkoba kuliaha aro ja•mano Home Nursing Centre-koba kuliaha.
Uni kuligipa Nursing Centre-o bang•bea nurse-rangan skiako man•e dingtang dingtang biaprango manderangna dangdike on•eskaaha.
Sianggipa Hephzibah sagi, sagipa ding•gipa manderangna ka•sae dangdike on•asan ong•aigija mondolioba saksa git ring•ronggipa, sakgipinrangko didigipa aro skigipa ong•e Nokgipa Isolna dangdike on•angaha.
Uni nursing-ko skie ra•anichi Nisangram Babupara Hospital-na bang•en namgni ong•aha aro ia hospital-o ua an•tangni u•i-ma•sianirangko suale on•angan baksana ia hospital-ni mongsonggipa cholguga (main gate)-koba an•tangni pagipa sagini bimingo on•gilangaha.
Sianggipa Hephzibah sagiko Sombar salo, Nisangram songon bon•kame mande ra•pilskaaniko dakenba gope galaha aro uni manggisiko gopaniona Garo Hills gimikonin manderang re•bae bak ra•angtokaha.
Sianggipa Hephzibah sagi, sagipa ding•gipa manderangna ka•sae dangdike on•asan ong•aigija mondolioba saksa git ring•ronggipa, sakgipinrangko didigipa aro skigipa ong•e Nokgipa Isolna dangdike on•angaha.
Na·simang ia video-koba nina man·gen:
Na·simang iakoba poraina man·gen: Civil society group-ni member-rang ma•mong sorkarini poraichakram aro kam ka•chakram biaprangko chipata: Manipur
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
