Gangtok, June 13: Sikkim a•dokni Mangan a•jao, jimbee mikkarang waani a•selo saksani janggiko gimaatna nangao ga•akaha, sak 5 manderang gimaenga aro adita nok jamrang nosto ong•atako man•aha.
Indian Meteorological Department-ni gita, June 12-16 tarikona jimbee mikkarang waanggen ine mikrakataniko on•ataha aro ian East Uttar Pradesh-oni Bihar-ko batsote Nagaland, Sub-Himalayan West Bengal aro South Assam-ona 0.9 km mangni gita balminduri balpakani a•sel jimbegipa mikkarang waanggen ine IMD u•iataha.
Koborko man•soani gita, Yangang sepangjolo donggipa Ambithang songoni sak 3 manderang gimaenga aro Mangan sepangjolo donggipa Pakshep-oni saksa mande siaha aro sakgni manderang gimaengachim.
Dzongu-ni Geythang-o te 3 nokrang nosto ong•atako man•aha aro Nampathang-oba adita nokrang nosto ong•atako man•an baksa a•a rudapani a•selo ramarangba champengatako man•aha.
Indake, Dzongu Constituency-o ga•akenggipa Bringbong-o donggipa police outpost-naba a•a ruanina kenchakani dongengani gimin uano kam ka•enggipa staff-rangko rimongkatna nangao ga•akengaha.
Sankalang-oba, Teesta chibimani chi ditdoani a•selo dollong rikna foundation tarienggipa be•gruaha ine Authority-rang parakataha.
Una agreba North-Sikkim-o, mobile network-rangko chalaina man•jaengani a•selo, ua jolo donggipa manderang neng•nikataniko man•tokengaha ine nikna man•a.
Indake, jimbegipa mikkarang waani a•selo, Teesta chibimani chi bilongen ditdoahani gimin, Singtam baksana Melli songjinmani ka•ma jolo songdongkamgipa manderangna kenchakani ong•skaengaha. North Bengal-ni Teesta Bazaar-oni NH-10 rama sepangjolo donggipa manderangni nokrangko chi banpakani a•sel nosto ong•atako man•tokaha.
Sikkim a•dokni Skotong Minister Prem Singh Golay, North Sikkim-ni dingtang dingtang biaprango Budhbar attamoni mikkarang jimbee waani a•sel, a•arang rudape aro chi bana man•dape, janggirangko gimaatna nangenganina, nok jamrangko chi banpakangahanina aro adita nokdangrangko jitruraatna nangengahanina, gisiko suk ong•gijaniko social media-o parakataha.
Unbaksana, nangchakea man•gipa nokdangrangna aro manderangna, ta•raken dakchakaniko on•china, sanna bannaniko on•china, dongchakanirangko rike on•china aro nangchongmotgipa bosturangko jekai cha•a ringanirangko on•china North District Administration-na u•iataha aro duko ga•akenggipa nokdangni manderangna aro a•a ruanini a•selo apjitatako man•gipa nokdangrangna, sorkarini gita dakchakaniko on•gen ineba ua janapataha.
Na·simang ia video-koba nina man·gen:
Na·simang iakoba poraina man·gen: Skanggipa bakni robol kal•susaanio Blue Max chegipa ong•a, Gnigipa bakni kal•susaanio dolgnian draw ong•grika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
