Shillong, July 11: Manipur a•doko so•sojengjeng ong•engani a•sel katbrange dongna nangenggipa manderangoni sak 77-de Shillong-o ma•chakkuenga ine Mongolbar salo, East Khasi Hills a•jani Deputy Commissioner RM Kurbah, kobor ra•timgiparangna parakataha.

Deputy Commissioner-ni parakatani gitade, a•bachengode Manipur a•dokoni gimik sak 365 manderang, Shillong songjinmao katnape ma•chakahachim indiba uamangoni bang•batan da•o Aizawl, Guwahati, Bangalore, New Delhi aro gipin a•dokrangona re•angskaaha.

Indake ong•engon, East Khasi Hills a•jao aro mongsongbate Shillong songjinmao walni 10:00 baji dipetde skatang nokoni ong•katjachina aro man•a dipetde noktangtangon naljokani gnang dongchina gita Deputy Commissioner didiataha.

Shillong songjinmao pilak dokkanrangkon walni 10:00 bajini gisepon chipchina gita Sombar salosan ua ge•etanikoba on•angahachim ine nikna man•a.

Adita salrangna skang, Shillong songjinmani Laitumkhrah jolo, churing chupeke dolgni manderang, walni somoio dinggrikahani gimin East Khasi Hills a•jani District Administration, dokkanrangko walni 10:00 bajini gisepon chipatna tik ka•aha.

Iakoba poraie nina man·gen: Panchayat eleksino kajia-golmal ong·anichi WB-oni sak 133 manderang Assam a·doko katnapna bi·a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub