Imphal, Jun 16: Re·anggipa Robibar attamo, Manipur a·dokni Imphal songjinmao donggipa Old Lambulane-o galchipgimin nok te·sako wa·al kamaha.
Police-rangni aganani gitade, ia nokara, Goa-ni gitcham Chief Secretary Thangkhopao Kipgen-ni nok ong·achim indiba ua 2005 bilsini March 3 tarikon siahani gimin da·o ia noko uni nokdangni manderangsa dongskaengahachim.
Wa·al kamgipa nokara, Manipur Chief Minister-ni dongchakgipa nok mikkango donggipa Kuki Inn Complex-ni sambao ong·achim aro ia nokko Sonibar attamni 5:30 bajimango kamaha.
Manipur a·doko so·sojengjeng ong·chakataonin ia noko dongenggipa manderang, ia nokko wate re·angahani gimin da·o ia noko darangba dongjachim ine police-rang u·iataha.
Ia nokara bolchi rikgipa noksa ong·ani gimin wa·al kimitgipa sipairang, ia wa·alko kimitanio kontasa bate nangaha aro wa·alko kimitanio Manipur-ni fire service dolna, Thoubal a·jaoni reinforcement dolba dakchake on·aha.
Da·o dipet ia nokko wa·al kamani a·selko tale ma·sikujaengoba, badiaba dolni manderangsa ia nokko so·na nanga ine police-rang chanchichipenga.
Indake ong·engon, apsan salni 3:30 bajimango, Bharatiya Infra Project Ltd-ni truck bolgniko ka·a ding·chaoenggipa manderang, Bishnupur a·jani Tronglaobi jolo so·chipe galaha ine kobor on·aha.
Police-rangni u·iatani gitade, ua somoio ia company-ni truck bolbri, nok rikani bosturangko gate, Churachandpur a·jani Singhat jolchipakna re·angengachim indiba Tronglaobi jolo ka·a ding·chaoenggipa manderang, ia truck bolbrioni bolgnikode so·chipe galaha.
Ia truck gari bolgniko so·chipe galengmiting somoio bakan Moirang police station-ni dolsa sipairang, gipin truck garirangkode chel·chakeaha aro ja·mano ia garirangko Imphal songjinmaona dilangaha.
Na·simang ia video-koba nina man·gen:
Na·simang iakoba poraina man·gen: Shah Rukh Khan-ni gitcham skigipako grongechina Cong-ni dilgipa didia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
