Guwahati, Jun 10: Manipur a·dokni Jiribam a·jao so·sojengjeng ong·anirangko kobor man·soani ja·man Assam a·dokni Cachar a·jao donggipa Lakhipur jolrango sipai dolrangni chel·chakanirangko baridapataha.
Assam a·dokni Lakhipur jolrangara Manipur a·dokni simao ong·e, ia jolrangoba Assam sorkari, sipai dolrangni chel·chakanirangko bariataha.
Re·anggipa June-ni 6 tariko, Manipur a·dokni Jiribam a·jao so·sojengjeng ong·na a·bachengani ja·man komibeoba Manipur a·dokni sak 600 manderang, Lakhipur-o donggipa an·tangtangni ma·drangrangni nokrangona katnaptokaha ine kobor on·aha.
Cachar a·jani Superintendent of Police (SP) Numal Mahatta-ni kobor ra·timgiparangna parakatani gitade, Manipur a·dokni Jiribam a·jao so·sojengjeng ong·na a·bachengani ja·man a·dok damgnini simarango sipai dolrang bilakbate nirok sandianirangko dakenga aro da·o dipet Lakhipur jolrangode manderang pilakan tom·tome dongna man·tokenga.
Lakhipur-o peace committee-ko songaha aro police-rang salo konta 24-na mikrakbee kamrangko ka·enga ineba SP aganaha.
SP-ni aganani gitade, Manipur a·dokoni katnapbaenggipa manderangko Assam-ni Lakhipur jolrango nokchakchina Assam-ni CM-ba ge·etaniko on·manaha indiba katnapbaenggipa manderangko name see rakkichina u·iatskaaha.
Assam-ni Lakhipur jolrango tom·tome dongako saoba golmal ka·na jotton ka·genchimode uandakgipa manderangni kosako rakgipa ja·kurangko de·gen ineba SP mikrakataniko on·ataha.
June-ni 6 tariko, bilsi 59 ong·gipa mande saksako gipin jatoni bobil dake chakatgipa manderang so·ote galangani ja·man Manipur a·dokni Jiribam a·jao so·sojengjeng ong·na a·bachengahachim aro uandaken Jiribam a·jao donggipa dingtang dingtang songni komibeoba sak 239 manderangko, mongsongbate me·chik aro bi·sarangko naljokgipa biaprangona sorkari apjitatahachim.
Na·simang ia video-koba nina man·gen:
Na·simang iakoba poraina man·gen: Jiribam a•jaona CM-ni re•angna man•chisoengon, chelchaksoenggipa dolrangko chadrapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
