Imphal, May 29: Manipur a·doko so·sojengjeng ong·anirangna Kuki bobil dolrangko dos galahani gimin Manipur a·dokni Chief Minister N Biren Singh-ko Indigenour Tribal Leaders Forum (ITLF) raken jegalatskaaha.
ITLF-ni ku·wattimgipa Ginza Vualjong-ni kobor ra·timgiparangna parakatani gitade, sipai dolrang baksa gogrikanio sak 33 Kuki bobil dolni manderangko goe galna man·aha ine Manipur a·dokni CM N Biren Singh aganahachim indiba ia so·sojengjeng ong·anio Kuki bobil dolrangde maming jak dongpajachim.
Manipur a·doko songdongenggipa Tribal-rangko aro gilja nokrangko chadrapenggipa manderangara Meitei bobil dolni manderangsa ong·a ine talataniko on·angengon, uamangni chadrapanio dam 500-na baten songrang so·e galako man·aha, sak 100-na baten manderang so·otako man·aha aro te 250-mangni gita gilja nokrang nisigalako man·aha ine ITLF-ni dilgipa parakataha.
Iakoba poraie nina man·gen: Garo Hills ni NGO dolrang Roster system-ni gimin chanchirimanio bakko ra·ejana gita parakata
