Assam, July 12: Dibrugarh District Administration niam gita re·gija nokko rikanina Baidulla Khan-ni gadanggni nokko pe·gale galaha.

Re·anggipa July 8 tarikon District Administration niamni a·palo dakenganina ui·ataniko on·manahachim. Je biapon nok rikaha uan soroksam aro district administration-oni maming hukum-koba ra·chenggijasa rikani gimin chinga July 12 tariko Baidulla Khan-ni nokko pe·gale galaha ine Dibrugarh Additional Superintendent of Police Bitul Chetia kobor ra·timgiparangna aganaha.

Kobor-na ui·atanigitade, matburingrangna chel·chakaniko kamko ka·gipa Vineet Bagaria-ni an·tangko so·ote sina skang agane donganggimin gita gamni bidingo neng·nikataniko on·gipa sakgittam manderangoni  Baidulla Khan-ba jak dongpaachim.

Dosi dakgipa, an·tangko dal·nike niamko pe·ani kri sastiko man·gen ine Assam Special DGP Pa G P Singh aganaha.

Indake ong·en, Assam a·dokni skotong Minister Dr Himanta Biswa Sarma, duko ga·akgipa Vinnet-ni nokdangni manderangko re·ange grongaha. Ian namen kratchachakani kam ong·chongmota ine aganan baksa duk ong·rimpaaniko nokdangni manderangna mesokpaaha.