Boko, Jan 25: Assam Forest Department, matburingrangko so•ote niamgri badingsrukgipa saksa mandeko, Assam-Meghalaya a•dokni sima ario donggipa Sukurberiya Reserved Forest-oniko Sukrobar salo rim•aha.
Forest Department-ni official, Samir Ali, Sukurberiya Reserved Forest-ona silchidare gnanggipa manderang matburingrangko sikar ka•na re•angenga ine kobor man•soa bakan sandianiko dakon, uamangoni saksako rim•rikna man•aha aro sakgni joke katangna man•aha, indake ia rim•a man•gipa mandeara, Meghalaya a•dokni Mairangoni Marcus Marbaniang ong•a aro uni jakoniko do•orangko so•otani ja•wilwat gnanggipa mobile phone aro rifle ge•sako rim•na man•aha ine aganaha.
Ia mandeni kosako, Assam Forest Regulation Act, 1891-ni Section 24 aro 25 aro Wildlife Protection Act, 1972-ni section 57-o pangchake mokordomako segataha.
Ua jolo songdonggipa manderang, Forest Department-ni iandakgipa manderangko rim•na krenge kamko ka•enganina mitelpilskaaniko dakangaha.
Batanggimin bilsi gnimangni gisepon, Rani Forest Range-o manggni mongmarangko so•ote siataha aro ian ua jolo matburingrangko sikar ka•gipa dolrangni batroroenganiko u•ina man•enga. Iani bidingo sandianiko dakkuenga aro rim•a man•gipa mandeko judicial custody-ona watataha.
Na·simang ia video-koba nina man·gen:
Na·simang iakoba poraina man·gen: Skotong Minister, Mawhati C&RD Block-ko nokdonggae on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
