Shillong, June 14: Da·ororo matchurango Lumpy Skin Disease (LSD) batrikrikengani gimin matchu dud aro matchu be·enrangko cha·engon ringengon, name mine song·china gita Animal Husbandry & Veterinary (AH&V) department, a·dokni manderangna ku·pattianiko on·ataha.
AH&V Department (Disease Investigation)-ni Assistant Director Dr P Blah War-ni parakatani gitade, da·ororo matchurango LSD batrikrikengoba, batanggimin salrangko tosusagenchimode da·o sabisini batrikrikani komiangaha.
Sabisini batrikrikaniko champengna gita uamang raken kamko ka·enga ine janapatengon, da·o dipet ia sabisiko sannani cholrang dongkujaengani gimin matchurango LSD-ni batrikrikaniko dol 168 Rapid Response Team-rang, mikraken nirikkienga ine Dr War parakataha.
Dr War-ni parakatani gitade, Meghalaya a·doko da·o dipet LSD-ko Ri Bhoi, East Khasi Hills, South West Khasi Hills aro West Jaintia Hills jolrango man·batenga.
Mongolbar salona kingking LSD-ni a·sel mang 45 matchurang siaha aro ia matchurangoni bang·batan West Jaintia Hills a·jaoni ong·a ineba A&HV official parakataha.
Matchu dud aro matchu be·enko cha·a ringaninade mandena maming nangchakeani dongjawa ine talataniko on·angengon, matchu dud aro matchu be·enko cha·engon, name song·e cha·skachina gita Dr War didiataha.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
